Chelsea do të jetë pa sulmuesin Joao Pedro për rreth tre javë e gjysmë, për shkak të një problemi në gju.
Sipas “ESPN Brasil”, braziliani iu nënshtrua ekzaminimeve të martën, ku testet zbuluan një ënjtje në gju, të shkaktuar nga një dëmtim në ligamentin e kryqëzuar anterior (ACL) dhe ligamentin kolateral medial (MCL).
Pas ekzaminimeve, Chelsea ka marrë rekomandimin që sulmuesi të pushojë për tre javë e gjysmë. Kjo do të thotë se Joao Pedro do të mungojë në ndeshjen e së premtes ndaj Brentfordit.
Joao Pedro tashmë është tërhequr nga grumbullimi i Brazilit për shkak të këtij problemi.
Sulmuesi do ta shfrytëzojë periudhën e pushimit ndërkombëtar për t’u fokusuar në rikuperimin e tij, me synimin për t’u rikthyer sa më shpejt në dispozicion të trajnerit të Chelseat. /Kampionet/
