Trajneri i Francës, Zinedine Zidane, këmbëngul se “Les Blues” “meritonin më shumë” në ndeshjen e luajtur në shtëpi kundër Italisë në kuadër të Ligës së Kombeve.
Franca barazoi me Italinë 1-1 në Saint-Denis në Paris të premten në mbrëmje. Michael Olise shënoi golin e parë pas një goditje dënimi fantastike në pjesën e dytë, por Alessandro Bastoni barazoi rezultatin vetëm 13 minuta më vonë.
“Jam i zhgënjyer sepse meritonim më shumë. Patëm raste për ta shkatërruar ndeshjen, por nuk e bëmë. Ndonjëherë kështu është futbolli”, ka thënë fillimisht Zidane për Rai Sport pas ndeshjes.
Kjo ndeshje ishte debutimi i Zidane në shtëpi si trajner i Francës, pasi “Les Bleus” kishin luajtur jashtë fushe dy ndeshjet e para të grupeve të Ligës së Kombeve.
“Ishte emocionuese. Ne donim t’i jepnim gëzim stadiumit dhe të gjithë kombit, por nuk shkoi kështu”.
“Italia luajti lojën e saj. Nëse ke një shans për të shënuar, duhet ta bësh, sepse përndryshe këto gjëra mund të ndodhin. Jam i kënaqur me atë që bëmë. Tani duhet të pushojmë dhe të përgatitemi për ndeshjen tjetër”.
“Kjo është Italia; ata mund të kenë një ndeshje të keqe ndonjëherë, por edhe një të mirë. Ata fituan në Turqi dhe sonte luajtën lojën e tyre. Ata u mbrojtën mirë dhe kur sulmojnë, gjithmonë mund të shënojnë”, përfundoi francezi. /Kampionet/
