Legjenda e Manchester United, Sir Alex Ferguson, ka folur hapur për vdekshmërinë, duke pranuar se herë pas here mendon për vdekjen dhe duke shprehur shqetësimin se mund të mos jetojë aq gjatë sa për ta parë stadiumin e ri të klubit.
Ferguson ka rrëfyer për jetën, trashëgiminë dhe brishtësinë e shëndetit të tij në librin e sapobotuar, Games of My Life.
Duke u përqendruar te 21 ndeshje që formësuan karrierën e tij të jashtëzakonshme, fituesi i 13 titujve të Ligës Premier trajton gjithashtu vështirësitë e mëdha personale me të cilat është përballur vitet e fundit.
“Nuk jam nga ata njerëz që kalojnë kohë duke menduar se çfarë ka rezervuar Krijuesi për mua, dhe as nuk kam frikë nga vdekja”, shkroi Ferguson.
“Vdekshmëria është gjithmonë e pranishme në jetën tonë, edhe në momentet më të papritura”.
“Mua më intereson shumë më tepër të shfrytëzoj sa më mirë jetën. Kam ende shumë gjëra që dua të bëj dhe shumë njerëz me të cilët dëshiroj të kaloj kohë”.
“Megjithatë, herë pas here, vdekja më kalon nëpër mendje. Kur Manchester United njoftoi planet për ndërtimin e një stadiumi të ri madhështor, që do të zëvendësojë Old Traffordin, e gjeta veten duke pyetur nëse do të jem ende gjallë për të festuar hapjen e tij
, deklaroi Ferguson./Kampionet/
