Joan Laporta ka deklaruar se marrëdhëniet mes Barcelonës dhe Real Madridit janë prishur plotësisht, në mes të përplasjes së vazhdueshme për rastin Negreira.
Presidenti i Barcelonës ka kritikuar drejtpërdrejt përfshirjen e Real Madridit në hetimin për këtë çështje, duke e akuzuar klubin madrilen se po tenton ta zgjasë procesin.
“Ata ndërhynë në rastin Negreira vetëm për ta zgjatur procesin dhe për t’i justifikuar veprimet e kanalit të tyre dhe veprimet e tyre tashmë të paracaktuara”.
Ai ka insistuar se aktualisht nuk ekziston më marrëdhënie mes dy gjigantëve të futbollit spanjoll.
“Për momentin, marrëdhënia është në zero”, ka thënë Laporta.
Përplasja mes dy klubeve është ashpërsuar gjatë muajve të fundit, me Real Madridin që vazhdon të ndjekë çështjen Negreira, ndërsa Barcelona ka ndërmarrë veprime ligjore lidhur me deklaratat e presidentit të Real Madridit, Florentino Perez.
Një seancë pajtimi mes dy presidentëve është caktuar të mbahet më 25 nëntor./Kampionet/
