Baseli ka shënuar fitore të madhe në udhëtim te Luzern, sfidë ku tërë vëmednja ishte te ylli nga Kosova, Xherdan Shaqiri.
Lojtari nga Gjilani shkëlqeu me dygolësh si dhe dhuroi asistim, në triumfin 2-4.
Fillimisht, ai asistoi për Otele për të përmbysur epërsinë e Luzernit, pra nga 1-0 në 1-2.
Pastaj në pjesën e dytë shfaqi fytyrë tjetër. Pas dy asistimeve të Olaigbe, Shaqiri e la në gjumë portierin vendas për të realizuar dy supergola (56’, 66’).
Me këtë paraqitje të hatashme, Shaqa u vlerësua me notën 9.9 nga “SofaScore”, që ishte më e larta në këtë ndeshje.
Përndryshe, Baseli me këtë fitore shkon në kuotën e 13 pikëve ndërsa Luzern zë pozitën e shtatë me nëntë sosh./Kampionet/
