Barcelona i ka arkëtuar pikët e plota në udhëtim te Levante, në kuadër të xhiros së pestë në La Liga.
Katalunasit i arkëtuan pikët e plota në një fitore me mund, ku epilogu përfundimtar rezultoi të jetë 2-4.
Pas vetëm gjashtë minutave lojë, Xavi Espart kaloi Barcelonën në epërsi.
Ndërsa, ishte Lamine Yamal që mori një asistim nga Raphinha për të dyfishuar epërsinë (19’).
Yamal u përkujdes edhe për golin e tretë për të realizuar nga pika e bardhë duke mos i dhënë asnjë shans portierit Ryan (48’).
Levante arriti të zgjohet shumë vonë, ku Ivan Romero përfitoi nga një gabim në mbrojtje për të ngushtuar epërsinë (79’).
Megjithatë, e tëra që arritën të bëjnë ishte edhe goli i dytë përmes Roger Brugue (88’).
Katalunasit nuk lejuan befasi për të shënuar edhe një herë në fund, falë Karim Adeyemit (90+3’).
Barcelona kësisoj shkon në kuotën e 15 pikëve ndërsa Levante mbetet me pesë sosh në vendin e 13-të./Kampionet/
