Paraqitjet e fundit me Fenerbahçen dhe Kosovën kanë ndikuar në rritjen e vlerës së Vedat Muriqit në tregun e transferimeve, pavarësisht se sulmuesi kosovar tashmë ka mbushur 32 vjeç.
Vedat Muriqi po vazhdon të dëshmojë se mosha nuk po e pengon të mbetet një prej sulmuesve më të vlerësuar në tregun turk.
Performancat e tij në javët e fundit me Fenerbahçen dhe Kombëtaren e Kosovës kanë bërë që vlera e tij në tregun e transferimeve të pësojë një rritje të ndjeshme.
Sipas përditësimit të fundit të Transfermarkt, platformës së specializuar për vlerat e futbollistëve, Muriqi tashmë vlerësohet në 7 milionë euro.
Kjo paraqet një rritje prej 2.5 milionë eurosh, pasi në përditësimin e kaluar sulmuesi kosovar kishte një vlerë prej 4.5 milionë eurosh.
Performancat me Fenerbahçen dhe Kosovën
Rritja e vlerës së Muriqit vjen në një periudhë në të cilën ai po luan një rol të rëndësishëm si te Fenerbahçe, ashtu edhe te Kombëtarja e Kosovës.
Sulmuesi 32-vjeçar ka vazhduar të jetë një prej pikave kryesore të skuadrës turke, ndërsa me Kosovën ka qenë sërish vendimtar në ndeshjet e fundit.
Kjo formë ka bërë që vlera e tij në treg të rritet me 55.5 për qind, duke kaluar nga 4.5 në 7 milionë euro.
Pokeri i parë në karrierë, Muriqi vendos emrin në një listë të veçantë të Fenerbahçes telegrafi.com
Larg rekordit personal
Megjithatë, vlera aktuale e Muriqit është ende dukshëm më e ulët se rekordi i tij personal në tregun e transferimeve.
Vlerën më të lartë në karrierë ai e kishte në vitin 2020, kur ishte pjesë e Fenerbahçes dhe po përgatitej për transferimin te Lazio. Në atë periudhë, Muriqi vlerësohej rreth 17 milionë euro.
Tash, në moshën 32-vjeçare, ai ka arritur ta rikthejë vlerën në rritje, falë paraqitjeve të tij me klubin dhe kombëtaren.
Për Muriqin, kjo është një tjetër dëshmi se vazhdon të ketë peshë të konsiderueshme në treg, edhe në një moshë kur vlera e shumicës së futbollistëve zakonisht nis të bjerë. /Kampionet/
