Sandro Tonali ka përjetuar një debutim për t’u harruar në Ligën Premier me Tottenhamin, teksa skuadra e drejtuar nga Roberto De Zerbi e nisi sezonin me një humbje të thellë 3-0 ndaj Brentfordit të shtunën.
Mesfushori italian nuk arriti të lërë gjurmë në ndeshjen e tij të parë me fanellën e Tottenhamit dhe gjatë takimit u bë objekt talljeje nga tifozët vendas.
Paraqitja e tij mori kritika edhe në rrjetet sociale, ku një përdorues në X ngriti pikëpyetje nëse shuma e raportuar prej 115 milionë eurosh për transferimin e tij mund të rezultojë të jetë “mbipagesa më e keqe në historinë e futbollit anglez”.
Paraqitja e Tonalit ka shkaktuar diskutime edhe te tifozët e Newcastle United, të cilët kanë nisur të pyesin nëse italiani mund të shfaqë formën e tij më të mirë pa ish-partnerin e tij në mesfushë, Bruno Guimaraes.
Debutimi zhgënjyes pritet të shtojë presionin mbi Tonalin dhe trajnerin De Zerbi, ndërsa Tottenham duhet të reagojë shpejt pas disfatës së rëndë dhe të përmirësojë paraqitjet në ndeshjet e ardhshme. /Kampionet/
