Pesë klube të mëdha nga Liga Premier po e monitorojnë situatën e sulmuesit të Real Madridit, Endrick, në prag të afatit kalimtar të verës.
Sipas gazetarit të njohur të transferimeve, Fabrizio Romano, në mesin e klubeve të interesuara janë Chelsea, Arsenali, Manchester United, Manchester City dhe Liverpooli, të cilat po e ndjekin nga afër situatën e reprezentuesit brazilian.
Liverpooli kishte eksploruar mundësinë e transferimit të Endrickut gjatë afatit kalimtar të verës, ndërsa edhe Arsenali kishte zhvilluar kontakte me Real Madridin për të diskutuar një lëvizje të mundshme të sulmuesit.
Megjithatë, drejtuesit e Real Madridit e kanë bërë të qartë se nuk kanë pasur dëshirë ta lejojnë largimin e tij.
Klubi madrilen vazhdon ta konsiderojë brazilianin pjesë të planeve të veta për të ardhmen.
Endrick, 20-vjeçar, e kaloi pjesën e dytë të sezonit të kaluar në huazim te Lyoni, ku la gjurmë me paraqitjet e tij. Në 21 ndeshje për klubin francez, ai realizoi tetë gola dhe dhuroi po aq asistime.
Pavarësisht interesimit nga disa prej klubeve më të mëdha angleze, Real Madridi më herët kishte sinjalizuar se synon ta mbajë Endrickun në skuadër dhe t’i japë hapësirë për të zhvilluar më tej potencialin e tij.
Tani mbetet të shihet nëse presioni dhe interesimi i klubeve të Ligës Premier do të ndryshojnë qëndrimin e “Los Blancos” gjatë afatit kalimtar të verës. /Kampionet/
