Meriton Korenica ka gjetur golin e parë me fanellën e FCSB-së, duke nisur në mënyrën më të mirë aventurën e tij me klubin e madh rumun.
Futbollisti i Kombëtares së Kosovës shënoi në minutën e 24-t për t’i dhënë FCSB-së epërsinë 2-1 ndaj Petrolulit. Korenica realizoi pas një aksioni individual spektakolar, ku fillimisht fitoi vetë topin dhe u nis drejt portës kundërshtare.
Ai doli përballë portierit, e kaloi atë pas dy tentimeve dhe vazhdoi aksionin deri në momentin kur pothuajse u fut me top në portë, duke e dërguar topin në rrjetë për golin e tij të parë me skuadrën e re.
Megjithatë, FCSB nuk arriti ta ruante avantazhin dhe takimi përfundoi me rezultat 2-2, në një ndeshje ku Korenica ishte ndër protagonistët kryesorë të skuadrës së tij.
Korenica iu bashkua FCSB-së këtë verë pas aventurës te CFR Cluj, ndërsa transferimi te një prej klubeve më të mëdha në Rumani ishte një tjetër hap i rëndësishëm në karrierën e tij. /Kampionet/
– YouTube www.youtube.com
