Kombëtarja e Kosovës është ngritur një pozitë në renditjen e përgjithshme të FIFA-s pas fitores ndaj Irlandës.
“Dardanët” morën tre pikë të rëndësishme në “Fadil Vokrri”, ku mposhtën Irlandën, sfidë që e dominuan në të gjitha aspektet pavarësisht që epilogu përfundimtar rezultoi të jetë 1-0.
Me këtë fitore, Kosova e kaloi Bolivinë në renditjen e përgjithshme për të zënë vendin e 77-të, vetëm një më lartë se kundërshtari ynë pas Austrisë, Izraeli.
Ndërkohë, Kosova mund të merr edhe shumë pikë në rast që merr një rezultat pozitiv ndaj Austrisë, kombëtare që renditet në pozitën e 23-të në botë.
Shqipëria gjithashtu ka pasur një ngjitje në rendite, shkaku që Hondorusi pësoi një humbje befasuese në shtëpi nga Suriname, kësisoj tashmë zënë vendin e 66-të.
Përndryshe, Shqipëria të shtunën do të përballet me Bjellorusinë ku fitorja është e domosdoshme derisa Kosova ka udhëtuar për Austri, ku nesër nga ora 18:00 do të përballet me austriakët./Kampionet/
