Barcelona do të shfaqet me një fanellë të re në El Clasico
Barcelona do të veshë një fanellë tjetër kur të presë Real Madridin në El Clasico në Camp Nou më 25 tetor, në ndeshjen e vlefshme për xhiron e dhjetë të La Ligas.
Sipas gazetës Mundo Deportivo, klubi katalunas do të bashkojë përsëri futbollin, muzikën dhe modën në një edicion të ri të bashkëpunimit të tyre me sponsorët e fanellave, Spotify.
“Këtë herë, ylli do të jetë artisti amerikan Tyler, Creator, marka e veshjeve të të cilit, Golf Ëang (Golf), do të shfaqet në fanellën që Blaugranët do të veshin kundër Real Madridit”, thuhet në njoftim.
Tifozët mund ta blejnë fanellën nga dyqanet zyrtare të klubit nga e enjtja e ardhshme, me çmime që fillojnë nga 499.99 euro, sipas gazetës katalunase.
Ky bashkëpunim shkon më tej se bashkëpunimet e mëparshme të Spotify me Barcelonën.
Tyler, Creator, nuk do ta stampojë vetëm markën e tij në fanellën e klubit, por do të udhëheqë edhe drejtimin krijues të fushatës vizuale dhe audio që e shoqëron atë. /Kampionet/
