Kobbie Mainoo, mesfushori i Manchester United, e ka bërë të qartë synimin e tij: dëshiron t’i bashkohet Real Madridit.
Sipas raportimeve më të fundit, lojtari 20-vjeçar po kërkon largimin nga “Old Trafford” për shkak të mungesës së hapësirës dhe rolit të kufizuar në skuadër.
Mainoo ka parë që mundësitë e tij për të luajtur janë reduktuar ndjeshëm nën drejtimin e trajnerit të ri, Ruben Amorim, gjë që e ka shtyrë të mendojë për një ndryshim ambienti me shpresën për të ringjallur karrierën e tij.
Në këtë kontekst, Real Madrid shihet si destinacioni ideal për mesfushorin e ri, i cili kërkon një rol më të rëndësishëm në fushë.
Mainoo gëzonte më shumë besim dhe minuta nën drejtimin e Erik Ten Hag, por ardhja e Amorim ka ndryshuar statusin e tij brenda skuadrës. Këtë sezon, ai ka luajtur vetëm 138 minuta në shtatë ndeshje të Ligës Premier, duke e parë zhvillimin e tij të ndalet.
Kobbie Mainoo
Përballë kësaj situate, produkti i akademisë së United ka vendosur që prioriteti i tij të jetë kalimi në një klub ku mund të rritet profesionalisht.
Manchester United e vlerëson mesfushorin rreth 90 milionë euro, një shumë që pasqyron rëndësinë që klubi i jep talentit të tij. Megjithatë, Mainoo është tashmë i vendosur ta bëjë Real Madridin destinacionin e tij të parë, sipas Fichajes.
Nga ana tjetër, Real Madrid po e ndjek me kujdes zhvillimin e lojtarit dhe e sheh atë si kandidatin ideal për të forcuar mesfushën në të ardhmen.
Drejtuesit sportivë të klubit madrilen e vlerësojnë profilin e Mainoos si pasues potencial të veteranëve Luka Modric dhe Toni Kroos./Kampionet/
