Julio Baptista gjatë karrierës së tij ka luajtur për klube të njohura si Sevilla, Real Madridi, Arsenali dhe Roma, por kishte mundësi të luante edhe për Milanin.
Ish-sulmuesi i njohur ka folur për La Gazzetta dello Sport për karrierën e tij, duke zbuluar se Milani ishte afruar me të, por në fund dështoi transferimi shkaku i një bashkëkombësi.
“Ishte viti 2007, kisha pasur dy vite midis Madridit dhe Londrës. E di që Milani më donte”, ka thënë fillimisht Baptista.
“Megjithatë, në fund ata nënshkruan me Paton dhe unë shkova te Roma. Dhe të mendosh që në maj të atij viti, ata fituan Ligën e Kampionëve…”, përfundoi braziliani.
Sulmuesi arriti kulmin e karrierës së tij në La Liga, pavarësisht se koha e tij te Roma u kritikua gjerësisht.
Braziliani mund të kishte luajtur edhe për klubin me seli në Via Aldo Rossi, me gazetën e përditshme AS që zbuloi se Rossonerët ishin të gatshëm të vinin 17 milionë euro në tavolinë. /Kampionet/
