E ardhmja e David Alabës te Real Madrid duket gjithnjë e më e pasigurt. Mbrojtësi austriak nuk bën pjesë në planet kryesore të Xabi Alonsos, dhe megjithëse klubi u përpoq të lehtësonte largimin e tij para fillimit të sezonit, ai zgjodhi të qëndrojë dhe të nderojë kontratën me klubin.
Dëmtimet janë bërë një pengesë për mbrojtësin veteran, ndërsa ai ndodhet pas lojtarëve si Eder Militao, Dean Huijsen dhe Raul Asencio në hierarkinë e ekipit.
Siç është raportuar më parë, Los Blancos nuk kanë ndërmend të rinovojnë kontratën e tij, e cila skadon në fund të sezonit.
Megjithatë, tani ekziston mundësia që Alaba të largohet nga Real Madrid në afatin e dimrit dhe ai beson se mund të kontribuojë ende për skuadrën, si në fushë ashtu edhe jashtë saj.
David Alaba
Sipas raporteve të transmetuara nga Defensa Central, klubet e MLS, Charlotte FC dhe Neë York City FC, kanë ofruar 1.75 milionë euro për të nënshkruar me mbrojtësin e Real Madrid në afatin e transferimeve të janarit.
Ish-kapiteni i Bayern Munich fiton 22.5 milionë euro bruto në sezon, dhe Real Madrid është i etur të shesë këtë pagë sa më shpejt të jetë e mundur.
Si rezultat, gjigantët e kryeqytetit spanjoll janë të hapur për largimin e tij në janar dhe besojnë se një marrëveshje mund të arrihet shpejt nëse lojtari pranon lëvizjen.
Megjithatë, Alaba vetë nuk është entuziast për të ikur. Burime pranë tij tregojnë se ai ndihet rehat në Madrid dhe gëzon një marrëdhënie të mirë me klubin./Kampionet/
