Kosova ka zhvilluar dy ndeshjet e para të këtij cikli të Ligës së Kombeve në vetëm tri ditë, fillimisht duke mposhtur Irlandën 1-0 dhe më pas duke u përballur me Austrinë, ku pësoi humbje 3-1. Tashmë, vetëm pak ditë para sfidës së radhës ndaj Izraelit në Debrecen, një prej çështjeve që mund të ndikojë në formacionin e Franco Fodës është edhe ngarkesa fizike e lojtarëve.
Katër futbollistë kanë zhvilluar nga 180 minuta në dy ndeshjet e para. Bëhet fjalë për Lumbardh Dellovën, Ilir Krasniqin, Mërgim Vojvodën dhe Leon Avdullahun.
Të katër kanë qenë titullarë ndaj Irlandës dhe Austrisë dhe nuk janë zëvendësuar në asnjërën prej dy ndeshjeve.
Kombëtarja e KosovësFoto: Brahim Nura
Në këtë grup të lojtarëve me ngarkesë të lartë është edhe Dion Gallapeni me 177 minuta, ndërsa Vedat Muriqi ka luajtur 167 minuta.
Portieri Arijanet Muric ka regjistruar 155 minuta, pasi u zëvendësua në pjesën e dytë ndaj Austrisë. Veldin Hoxha ka luajtur 135 minuta, ndërsa Edon Zhegrova dhe Baton Zabërgja nga 118 minuta. Këta janë futbollistët që kanë mbajtur barrën më të madhe në dy ndeshjet e para.
Grupi me ngarkesë të mesme përbëhet nga Ermal Krasniqi me 107 minuta, ndërsa Ron Raçi dhe Albian Hajdari kanë nga 90 minuta. Raçi e ka zhvilluar të plotë ndeshjen ndaj Austrisë, ndërsa Hajdari ishte titullar dhe luajti të gjithë sfidën ndaj Irlandës, por mungoi ndaj Austrisë, shkaku i një shqetësimi.
Albin Hajdari telegrafi.com
Këtu Foda ka më shumë hapësirë për të vlerësuar gjendjen e lojtarëve dhe për të vendosur nëse do t’i mbajë sërish në formacion apo do t’u japë minuta futbollistëve të tjerë.
Në anën tjetër janë lojtarët që kanë pasur ngarkesë dukshëm më të vogël. Veton Matoshi dhe Muhamet Avdyli kanë nga 45 minuta, të dy ndaj Austrisë, ndërsa Milot Rashica ka vetëm 17 minuta, pasi u aktivizua ndaj Irlandës. Fisnik Osmani ka luajtur vetëm 12 minuta, ndërsa Erblin Osmani ka luajtur 3 minuta.
Kjo kategori është ajo ku Foda mund të gjejë më lehtë alternativa nëse vendos të freskojë ekipin, me Asllanin, Rashicën dhe Osmanin që janë të freskët.
Fisnik Asllani
Dion Kacuri, Meriton Korenica, Vesel Demaku, Lindon Emërllahu dhe Visar Bekaj nuk kanë marr minuta.
Kjo do të thotë se Foda ka disa opsione për të ndryshuar formacionin, sidomos nëse vlerësimi fizik para ndeshjes tregon lodhje te lojtarët që kanë pasur ngarkesën më të madhe. /Kampionet/
