Kylian Mbappe ka shkaktuar tension mes Francës dhe Real Madridit pas lëndimit të pësuar gjatë ndeshjes ndaj Turqisë.
Sulmuesi francez ishte grumbulluar me Kombëtaren për ndeshjet e para të Ligës së Kombeve, por u detyrua të largohej nga fusha më pak se një orë pas fillimit të takimit, vetëm pesë minuta pasi kishte shënuar golin e fitores në Izmit.
Sipas L’Equipe, Real Madridi kishte kërkuar që Mbappe të pushohej për shkak të shqetësimeve rreth gjurit, por përzgjedhësi i Francës, Zinedine Zidane, vendosi ta aktivizonte kapitenin nga minuta e parë.
Pas ndeshjes, ekzaminimet mjekësore konfirmuan se Mbappe nuk kishte pësuar këputje të ligamentit të kryqëzuar anterior, por u largua nga grumbullimi i Francës.
Real Madridi më pas bëri të ditur se 27-vjeçari kishte pësuar një lëndim te kapsula e pasme e gjurit të majtë.
Në një përpjekje për të ulur tensionet, Zidane raportohet se e ka lënë Mbappen menjëherë nën kujdesin e stafit mjekësor të Real Madridit.
Në Madrid tashmë shpresojnë që sulmuesi të rikthehet sa më shpejt, pasi skuadra ka një kalendar të ngjeshur pas përfundimit të pushimit ndërkombëtar.
“Los Blancos” do të zhvillojnë pesë ndeshje deri në fund të tetorit, ndërsa kjo seri do të mbyllet me udhëtimin në Barcelonë për El Clasicon e parë të sezonit./Kampionet/
