Kylian Mbappe ka befasuar me përgjigjen e tij kur është pyetur se cilët futbollistë do t’i transferonte te Real Madridi, duke mos zgjedhur ndonjë yll aktual, por tre legjenda të klubit: Cristiano Ronaldon, Zinedine Zidanen dhe Ronaldo Nazarion.
Sulmuesi francez po vazhdon paraqitjet e tij mediatike në prag të ceremonisë së Topit të Artë 2026, ku shpreson ta fitojë çmimin prestigjioz individual.
Në një intervistë për AS, Mbappe u pyet se cilët lojtarë do t’i sillte te Real Madridi nëse do të kishte mundësi.
“Cristiano Ronaldo, Zinedine Zidane, Ronaldo, nëse do të mund të riktheheshin”.
“Cristiano do të rikthehej. Zizou ende luan pak kohë pas kohe. Ndërsa Ronaldo… cilësia nuk zhduket kurrë. Ata janë legjenda të Real Madridit. I kanë dhënë shumë klubit dhe vazhdojnë të ngjallin një emocion të jashtëzakonshëm te tifozët e Madridit”.
Mbappe foli edhe për bashkëpunimin me yjet aktualë të Real Madridit, Vinicius Junior dhe Jude Bellingham, duke theksuar se të dy kanë stile shumë të ndryshme.
“Ata janë lojtarë shumë të ndryshëm. Bëjnë gjëra krejtësisht të ndryshme në fushë. Në disa aspekte të lojës është më e lehtë me Juden. Në të tjera me Viniciusin, Arda Gulerin, Brahim Diazin, Yan Diomanden apo Carlos Espin”.
“Espi do të shënojë shumë gola këtë sezon. Ai ka një nuhatje të vërtetë për golin”.
Kjo deklaratë vjen pasi Mbappe kishte asistuar Espín në minutat shtesë të ndeshjes ndaj Elches, duke ndihmuar Real Madridin të merrte tri pikët.
Megjithatë, sulmuesi francez kryeson aktualisht La Ligën për rastet e mëdha të humbura, me nëntë të tilla, ndërsa Vinicius Junior ka humbur pesë./Kampionet/
