Gjermania i ka arkëtuar pikët e plota ndaj Serbisë, për t’ia bërë sefte fitoreve nën urdhrat e Jurgen Klopp, derisa Holanda u ndal në një barazim me Greqinë.
Gjermania zhvilloi një paraqitje fantastike për të fituar me rezultat 2-0, ku e dominuan plotësisht ekipin serb.
Mesfushori Tom Bischof shënoi një gol të bukur pas një topi të kthyer për të kaluar Gjermaninë në epërsi (39’).
Ndërsa, Florian Wirtz e ka dyfishuar epërsinë për të realizuar një gol të bukur (61’).
Me këtë fitore, Gjermania zë pozitën e tretë me katër pikë, ndërsa Serbia qëndron pa pikë.
Në anën tjetër, Holanda me rikthim ka marrë një barazim 2-2 te Greqia.
Christos Tzolis shënoi një gol të bukur herët, por që u anulua nga VAR-i për pozitë jashtë loje.
Ishte Fotis Ioannidis që realizoi nga afërsia pas asistimit të Masouras për të kaluar grekët në avantazh (23’).
Ndërsa, Masouras që e dyfishoi epërsinë pas asistimit të bukur të Ioannidis (45+2’).
Sidoqoftë, Holanda u rikthye në pjesën e dytë falë Virgil van Dijk që shënoi me kokë pas harkimit të Veerman (59’).
Denzel Dumfries shënoi gjithashtu por u anulua nga VAR-i për pozitë jashtë loje.
Heroi i Holandës ishte Tijjani Reijnders me një gol të bukur, që e la portierin plotësisht të shtangur (89’).
Greqia me këtë pikë vazhdon si lider me shtatë pikë ndërsa Holanda renditet e dyta me pesë sosh./Kampionet/
