Superliga e Kosovës nuk ndalet dhe do të vazhdoj me ndeshjet e xhiros së 11-të në mesjavë.
Federata e Futbollit të Kosovës ka publikuar tanimë orarin e xhiros së 11-të, ku dy ndeshje luhen të martën dhe tre të tjera të mërkurën.
Malisheva pret Ballkanin të martën me fillim nga ora 13:00 në stadiumin ‘Liman Gegaj’, derisa sfidë shumë interesante pritet të jetë edhe ajo mes Gjilanit dhe Dukagjinit po të njëjtën ditë.
Të mërkurën vëmendja do të jetë në Podujevë, ku Llapi takohet me liderin Prishtinën në kryendeshjen e kësaj xhiroje.
Kampioni në fuqi Drita do të udhëtoj drejt Skenderajt për tu përballur me Drenicën, derisa Ferizaj pret Prishtinën e Re.
Të gjitha ndeshjet e xhiros së 11-të fillojnë nga ora 13:00. /Kampionet/
