Ish-futbollisti i Barcelonës dhe Francës, Christophe Dugarry, e ka kritikuar ashpër yllin e Real Madridit, Vinicius Junior, për bezdisjen e vazhdueshme ndaj gjyqtarit dhe lojtarëve të Barcelonës gjatë El Clasicos.
Braziliani u bë kryelajm për shkak se shprehu zemërimin e tij ndaj Xabi Alonsos për shkak të zëvendësimit të tij, ndërkohë që u grind edhe me yjet e Blaugranave.
Kështu, legjenda franceze, Dugarry e ka kritikuar atë, teksa mendon se presidenti Florentino Perez do ta largojë nga Real Madridi.
“Më pëlqeu loja e Mbappes, si qëndrimi ashtu edhe sjellja e tij. Ndryshe nga Vinicius, i cili është i padurueshëm. Ai gjithmonë ankohet për gjyqtarin dhe kundërshtarët e tij”, ka thënë fillimisht Dugarry.
“Ai i ofendoi turmën. Tani, ai nuk po e respekton trajnerin e tij. Mund të jesh i zhgënjyer, por kjo po shkon shumë larg. Largohu, njeri, performanca jote nuk është në nivelin e duhur. Më shqetëson, ai qan pa pushim, ai gjithmonë kërkon diçka”.
“Ai është ende shumë larg nivelit të tij të sezoneve të fundit. Ai duhet ta rivlerësojë veten. Ai është një fitues i ardhshëm i Topit të Artë, një lider i Brazilit, një nga më të mirët e Real Madridit”.
“Ai duhet të provojë diçka më shumë nëse dëshiron të jetë në të njëjtin nivel. Florentino Perez do ta largojë atë”, përfundoi ish-sulmuesi francez. /Kampionet/
