Gjyqtari i njohur, Alban Shala ka shpërndarë tre kartonë të kuq në ndeshjen e Ligës së Parë mes Feronikelit ’74 dhe Ramiz Sadikut, e vlefshme për javën e 17-të.
Feronikeli ’74 është nikoqir i Ramiz Sadikut në ndeshjen më interesante të xhiros së 17-të në Ligën e Parë të Kosovës.
Megjithatë, pjesa e parë e mbyllu me rezultat 0-0 nuk ishte edhe aq e qetë, pasi pati duele të shumta duke u luftuar për çdo top.
Kjo bëri që gjyqtari kryesor i ndeshjes, Alban Shala, të tregojë shumë kartonë, ku ndër ta edhe tre të kuq brenda shumë pak minutave.
Fillimisht ishte ylli i mysafirëve, Arjol Bllaca, i cili u përjashtua pas një goditje me bërryl të kundërshtarit, dukë lënë ekipin e tij më një futbollistë më pak.
Por, për t’i bërë gjërat më të barabarta në fushë u përkujdes Fatmir Rexhaj i vendasve, i cili mori gjithashtu të kuq direkt pas një ndërhyrje të rrezikshme në Muhamed Dubovën.
Kur ndeshja pritet të kthehej në normalitet me forca të barabartë, gjyqtari Shala u shfaq përsëri, kësaj radhe duke e ndëshkuar mbrojtësin e mysafirëve, Rilind Gërbeshi me të kuq, pas dy të verdhëve.
Kështu, 45 minutat e pjesës së dytë do të zhvillohen mes vendasve me 10 lojtarë dhe mysafirëve me nëntë. /Kampionet/
