Klubet më të mëdha gjermane gjithashtu i janë bashkuar garës për të nënshkruar me sulmuesin kosovar Fisnik Asllani.
Ylli i Kosovës shkëlqeu sërish në Bundesliga, këtë herë duke realizuar golin e pestë në kampionatin gjerman gjatë fitores 3-1 të Hoffenheim kundër Heidenheim.
Barcelona që disa javë po e vëzhgon nga afër 23-vjeçarin, por në këtë garë janë bashkuar tani edhe disa top skuadra gjermane, kështu raporton “Sky Sport”.
Gazetari Florian Plettenberg shkruan se Asllani do të largohet verën e ardhshme nga Hoffenheim, ndërsa gara për shërbimet e tij veçse është bërë më interesante.
“Fisnik Asllani shënoi golin e pestë në Bundesliga këtë sezon në fitoren 3:1 në shtëpi ndaj Heidenheim”.
“23-vjeçari pritet të largohet nga Hoffenheim këtë verë falë klauzolës së lirimit. FC Barcelona është ndër klubet e interesuara, me disa klube nga Anglia si dhe top klubet gjermane po e shikojnë nga afër lojtarin”, shkroi ai ndër të tjera.
Ndërkohë, klauzola e lirimit të Asllanit thuhet se është përreth 30 milionë euro, gjë që lehtësisht mund t’ia mundësojë largimin nga skuadra gjermane./Kampionet/
