Rezultatet e Liverpoolit në javët e fundit kanë qenë katastrofike dhe në “Anfield” tashmë po drejtojnë gishtin nga trajneri Arne Slot. Trajneri holandez po përjeton ditët më të vështira të karrierës së tij pas një fillim sezoni me “The Reds”.
Slot mbërriti në Liverpool me pritshmëri të larta, por bilanci i fundit është shqetësues, vetëm një fitore në shtatë ndeshjet e fundit.
Sinjalet e alarmit u ndezën pas eliminimit nga EFL Cup ndaj Crystal Palace, me humbjen 0-3 që tronditi themelet e projektit të tij.
Pas një sezoni ku Liverpooli arriti të shpallej kampion i Ligës Premier nën drejtimin e tij, skuadra duket tani në një spirale negative.
Katër humbje radhazi në kampionat kanë rritur presionin mbi Slot.
Pas disfatës në kupë, trajneri holandez mbrojti zgjedhjet e tij, duke theksuar se kishte ruajtur disa lojtarë kyç për shkak dëmtimesh dhe një kalendari të ngjeshur.
Arne Slot përballet me një javë vendimtare, Liverpooli do të përballet me Aston Villa dhe Manchester City në Ligën Premier, ndërsa në Ligën e Kampionëve e pret përballja me Real Madridin.
Këto tri sfida mund të përcaktojnë të ardhmen e tij në stolin e “The Reds”.
Slot ka treguar se di të ndërtojë një skuadër fituese, por tani duhet të provojë se di të përballet me krizën.
Nëse Liverpooli nuk përmirësohet, epoka e tij mund të marrë fund, por nëse arrin të ndryshojë rrjedhën dhe të rikthejë fitoret, Slot mund të rifitojë kontrollin e një ekipi që aktualisht duket pa drejtim. /Kampionet/
