Portieri Jan Oblak e ka paralajmëruar kombëtaren e Sllovenisë të mos sulmojë me vrullë sepse Kosova mund të përfitojë dhe rrezikojë përmes kundërsulmeve.
Oblak pavarësisht që nuk stërviti disa ditë me Slloveninë pritet të jetë gati për të shtunën në përballjen ndaj “Dardanëve”.
Megjithatë, slloveni para ndeshjes ka paralajmëruar bashkëlojtarët të mos jenë të fokusuar në sulm sepse Kosova është e rrezikshme në kundërsulme.
“Dëshira është për të fituar, besoj që mund ta bëjmë. Dëshira ka qenë e njëjtë që nga fillimi i kualifikimeve. Fatkeqësisht gjërat nuk funksionuan në ndeshjet e fundit, por dëshira ka qenë aty në secilën stërvitje. Tani është ndryshe. E dimë që kemi një punë të vështirë përpara nesh, por për sa të ketë mundësi, ne besojmë”.
“Presim sfidë të vështirë. Kosova është skuadër shumë e mirë në kundërsulme. Nuk sulmuam nga fillimi as në Kosovë, nuk jemi skuadër që mund të luajmë ashtu”.
Kombëtarja e Sllovenisë
“Mundësitë gjithnjë vijnë, i kemi pasur disa në Prishtinë, por nuk morëm avantazhin. E dimë që kemi nevojë për këto tre pikë, por nuk do të thotë të luajmë pa menduar nga minuta e parë. Kur do që kemi luajtur kështu, nuk ka përfunduar mirë”, deklaroi ai.
Oblak gjithashtu konfirmoi se do të jetë gati për Kosovën pavarësisht që ende ndjen dhimbje.
“Secili lojtar ka problemet e veta sepse kemi shumë ndeshje që po zhvillohen. Nuk jam pa problem, disa gjëra më lëndojnë. Në tre ditët e para jam fokusuar vetëm në rigjenerim. Nuk ka dyshime se do të jem 100 për qind gati për lojën. Gjithnjë kam qenë dhe do të jem, pavarësisht dhimbjes”.
Kujtojmë, përballja mes Sllovenisë dhe Kosovës do të zhvillohet të shtunën me fillim nga ora 20:45./Kampionet/
