AS Roma ka marrë një fitore të rëndësishme në transfertë ndaj Sassuolos, duke triumfuar me rezultat minimal 1-0 në kuadër të javës së tetë të Serie A.
Skuadra e trajnerit Gian Piero Gasperini e nisi ndeshjen më mirë, duke marrë avantazhin në minutën e 16-të, pas një aksioni të ndërtuar me kujdes.
Pas një topi të kthyer nga mbrojtja e Sassuolos, Paulo Dybala kontrolloi jashtë zonës dhe me një goditje të saktë dërgoi topin në cepin e djathtë të portës, duke mposhtur portierin Arijanet Muric për rezultatin 0-1.
Në pjesën e parë, Bryan Cristante dhe sërish Dybala patën mundësi për të thelluar epërsinë, ndërsa Thorstvedt dhe Fadera rrezikuan për vendasit, por portieri Mile Svilar reagoi në kohë.
Pjesa e dytë solli më shumë ndërhyrje taktike, me shumë ndërrime nga të dy trajnerët, por jo në rezultat.
Me këtë fitore, Roma barazon Napolin në krye të renditjes me nga 18 pikë, ndërsa Sassuolo mbetet në mesin e tabelës me 10 pikë pas tetë javësh. /Kampionet/
