Paris Saint-Germaini ka shënuar fitore me rezultat 3-0 në udhëtim ndaj Brest në kuadër të javës së nëntë në elitën e futbollit francez.
Rastin e parë për gol mysafirët e krijuan në minutën e 24-të kur goditjen e fuqishme të Senny Mayulus e ndali portieri vendas.
Pas këtij rasti, PSG-ja ia doli eventualisht të realizojë dy gola në harkun e tre minutave me anë të Achraf Hakimit.
Ylli maroken realizoi fillimisht në minutën e 29-të për rezultatin 1-0 pas asistimit të Vitinhas, ndërsa golin e dytë e shënoi në minutën e 32-të duke u asistuar kësaj radhe nga Khvicha Kvaratskhelia (2-0).
Vendasit patën mundësinë të rikthehen në lojë në minutën e 59-të, por Romain Del Castillo dështoi të shënojë nga penalltia.
Për rezultatin përfundimtar të takimit u përkujdes Desire Doue që në minutën e 96-të realizoi për 3-0.
Kështu PSG-ja u rikthye tek fitoret në kampionat pas dy barazimeve radhazi dhe për momentin është lider me 20 pikë, dy më shumë se Olympique Marseille që ka 18 sosh por me një ndeshje më pak të luajtur./Kampionet/
