Së fundmi në rrjetet sociale janë përhapur zëra se Paris Saint-Germain po shqyrton mundësinë për të transferuar Lamine Yamal nga Barcelona.
Megjithatë, gazetari i Sky Sport, Fabrice Hawkins, në një podcast për Aliotalk, ka hedhur poshtë këto spekulime, duke theksuar se as drejtori sportiv Luis Campos dhe as trajneri Luis Enrique nuk kanë dhënë dritën jeshile për një marrëveshje të tillë.
“Ajo që mund t’ju them është se në PSG-në aktuale, as Luis Enrique dhe as Luis Campos nuk e kanë aprovuar ardhjen e Lamine Yamal,” deklaroi Hawkins.
Ai shtoi se një transferim i tillë do të shkonte kundër planeve aktuale të klubit.
Lamine Yamal
“Kjo do të ishte në kundërshtim me drejtimin që po ndjekin aktualisht. Nëse nesër PSG do të shkonte pas Yamal, kostoja do të ishte mbi 200 milionë euro”.
“Me atë çmim dhe me skuadrën që ka aktualisht PSG, nuk besoj aspak se do të tentojnë ta transferojnë Yamal”, shtoi ai.
U raportua se PSG-ja ishte gati të ofronte mbi 200 milionë euro për yllin spanjoll, por që skuadra katalunase gjithashtu nuk është e interesuar për ta shitur këtë të fundit./Kampionet
