Darwin Nunez është parashikuar për një rikthim të shpejtë në Ligën Premier më pak se një vit pasi u largua nga Liverpool.
Pas ndihmës që i dha Liverpoolt për të fituar një titull historik në Ligën Premier nën drejtimin e Arne Slot, Nunez la Anglinë dhe u bë një tjetër lojtar me profil të lartë që u transferua në Arabinë Saudite, duke nënshkruar me Al Hilal për një tarifë prej 46 milionë eurosh.
Uruguaiani ka bërë tetë paraqitje për skuadrën e tij të re, duke shënuar katër gola dhe duke asistuar edhe dy të tjerë.
Nunez ka kontratë deri në vitin 2028 me ekipin e Riadit, por tashmë ka zëra për sulmuesin e ish-Benficas që mund të kthehet në Angli, me një ish-mbrojtës të Ligës Premier që e mbështet atë për një mandat të dytë.
Marcel Desailly, i cili fitoi Kupën e Botës me Francën dhe ka bërë 222 paraqitje për Chelsean, beson se Nunez do të ishte perfekt për të udhëhequr sulmin te klubi i tij i mëparshëm.
Chelsea ka pasur vështirësi të mëdha për të gjetur një numër 9 të përhershëm dhe solli Joao Pedro dhe Liam Delap verën e kaluar, me Marc Guiu dhe Tyrique George gjithashtu si opsione në sulm.
Nunez gjatë kohës sa ishte pjesë e Liverpool
“Nunez për mua ishte perfekt, pikërisht i duhuri”, tha Desailly për OLGB, duke mbështetur idenë që Chelsea të shkojë pas Nunez.
“I ri, pati fat të keq te Liverpool, por nëse Liverpool e mori atë, do të thotë se ata kanë parë potencial të madh. Unë doja që Darëin Nunez të vinte në sistem me vetëbesim, me Maresca në një sistem të mire, mund të kishte qenë shumë i dobishëm për Chelsean”.
“Nuk është shumë i shtrenjtë. Ky është opinioni im, vërtet do të kisha dashur ta shihja atë lojtar në skuadër. Nëse ai ende është në treg dhe në Arabi nuk po i shkon mirë, ai mund të kthehet”.
Nunez nënshkroi për Liverpool me pritshmëri të madhe në vitin 2022 për një tarifë fillestare prej 64 milionë eurosh, por u përball me vështirësi për të qenë golashënuesi i rregullt që kërkonin ‘Të Kuqtë’, me rekordin e tij më të mirë në Ligën Premier prej 11 golash në sezonin 2023/2024./Kampionet/
