Në episodin e 64-të të podcastit “Arena e Yjeve”, prodhim i Kampionett, mysafir vjen Arben Zeqiri, një nga figurat më të dashura dhe më të veçanta që ka dhënë futbolli i Gjilanit. Ky episod realizohet me mbështetjen e sponsorëve zyrtarë Golden Eagle dhe Air Munich.
Në një rrëfim të hapur, plot emocione dhe nostalgji, Zeqiri kthehet te fillimet e tij si djalosh, kur luante përkrah legjendave të Gjilanit, duke mësuar nga më të mirët dhe ëndërruar që një ditë të linte gjurmë në fushë.
Ai kujton me krenari golin në finalen e Kupës së Kosovës, moment që nuk i solli trofeun ekipit, por medaljen e vendit të dytë ia dorëzoi presidenti Ibrahim Rugova, një kujtim që e quan të paharrueshëm.
Zeqiri flet edhe për kalimin e bujshëm te rivalët e Dritës, një vendim që ndezi emocionet e qytetit dhe e vendosi në qendër të vëmendjes së futbollit kosovar.
Në episod, ai ndan edhe anën tjetër të jetës së tij – atë personale e plot ngjyra, ndër to edhe momentin kur vendosi ta quajë djalin e tij Zidane.
Ai zbulon edhe takimin e tij të preferuar me Luka Modric, si dhe historinë pas nofkës “Sneijder i Kosovës”, të cilën e mori për stilin e lojës dhe vizionin në fushë. Në fund, Zeqiri rrëfen për jetën në Dubai, sfidat, punën, ndryshimin e ritmit të jetës dhe mënyrën se si futbolli vazhdon të mbetet pjesë e tij edhe larg Kosovës.
Episodin e plotë me Arben Zeqirin mund ta ndiqni të shtunën në ora 17:15 në RTV Dukagjini, si dhe në kanalin zyrtar në YouTube të Kampionett. /Kampionet/
– YouTube www.youtube.com
