Sulmuesi Vedat Muriqi thotë se dëshiron ta sigurojë një vend në play-offin e Kampionatit Botëror.
Ai në konferencë për shtyp deklaroi se nuk ka rëndësi kush shënon, por nëse shënon ai – atëherë do të jetë njeriu më i lumtur në botë.
“Shpresoj, jam sulmues dhe siç kërkoj unë e tërë shqiptaria pret nga unë që të shënoj gol. Nuk ka rëndësi kush shënon sidomos kur jam në kombëtare, por në rast që shënoj do të jem njeriu më i lumtur në botë”.
I pyetur se si e vlerëson deklaratën e përzgjedhësit të Sllovenisë Kek, i cili tha se beson që do t’i marrin pikët e plota, ylli i Mallorcas u përgjigj:
“Nuk e di kah po e marrin këtë vetëbesim, sepse tabela tregon se Kosova ka bërë shumë më mirë se Sllovenia. Këto janë me tregu vetëbesim para mediave. Edhe ne jemi ambicioz, por nuk flasim kështu sepse më rëndësi është ta sigurojmë play-offin pastaj të shohim”.
Kujtojmë, përballja do të zhvillohet nesër me fillim nga ora 20:45./Kampionet/
