Sunday, November 30, 2025
Hapsir per reklama 728x90
BallinaLiga NdërkombëtareMessi shkëlqen me dy gola, Inter Miami kalon në çerekfinale - Kampionet

Messi shkëlqen me dy gola, Inter Miami kalon në çerekfinale – Kampionet

Inter Miami siguroi kualifikimin për në çerekfinalet e Ligës MLS, pasi mposhti Nashvillen me rezultatin bindës 4:0 në ndeshjen e kthimit.

Pas humbjes minimale në sfidën e dytë, skuadra nga Florida fitoi në të tretën dhe me rezultatin e përgjithshëm 2:1, duke treguar forcë, karakter dhe dominim të plotë në prani të publikut të vet.

Në qendër të këtij suksesi ishte, si gjithmonë, Lionel Messi. Në moshën 38-vjeçare, argjentinasi vazhdon të dëshmojë se është një fenomen unik në botën e futbollit.

Me dy gola në pjesën e parë, ai jo vetëm që vendosi bazat e fitores, por arriti edhe në kuotën e 894 golave në karrierë, vetëm gjashtë larg shifrës ikonike prej 900 golash. Performanca e tij, e mbushur me kreativitet dhe efikasitet, dëshmoi edhe një herë se klasa nuk plaket.

Në vazhdim të ndeshjes, Messi mori rolin e dirigjentit. Pas një kombinimi elegant me Jordi Albën, ai ndihmoi Tadeo Allenden për golin e tretë të Inter Miamit, ndërsa pak minuta më vonë i dhuroi sërish asistin Allendes për golin e katërt, që vulosi triumfin.

Ky pasim i fundit ishte asistimi i 400-të në karrierën e tij profesionale, një shifër që asnjë futbollist aktiv nuk e ka arritur. Përpara tij, në historinë e futbollit, qëndron vetëm Ferenc Puskas me 404 asiste, një rekord që Messi pritet ta tejkalojë në javët në vijim.

Statistikat e magjistarit nga Rosario në vitin 2025 mbeten mbresëlënëse: 44 gola dhe 21 asiste në 50 ndeshje.

Në raundin tjetër, Inter Miami do të përballet me Cincinnatin, një përballje që pritet me interes të madh, ndërsa të gjithë sytë do të jenë sërish te numri 10, i cili duket se nuk e ka thënë ende fjalën e fundit në futbollin botëror. /Kampionet/


– YouTube www.youtube.com

RELATED ARTICLES

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Advertisment -Hapsir per reklama 300x250

Most Popular

Recent Comments