Mediumi i njohur rumun prosport.ro, i ka kushtuar një artikull ish-trajnerit të Rapid Bukureshtit, Marius Sumudica.
Sumudica është bërë objekt i kritikave shkaku i vendimit të tij për largimin e yllit kosovar Florent Hasani, i cili u largua nga Rapidi në fillim të këtij viti për të nënshkruar në Turqi me Boluspor.
Sumudica nuk u bind nga cilësitë e Hasanit duke hequr dorë plotësisht nga ai dhe duke e vendosur në listën e transferimeve.
Megjithatë, kjo lëvizje doli të jetë e qëlluar për Hasanin, i cili ka ‘rilindur’ që prej transferimit të tij në Turqi.
Marius Sumudica dhe Florent Hasani
Ai ka shënuar tetë gola në pjesën e dytë të sezonit të kaluar ndërsa ka tetë gola këtë sezon në kampionat.
Në total, Hasani ka realizuar 16 gola në 27 ndeshje teksa numëron edhe dy asistime.
Kujtojmë se Hasani ishte transferuar te Rapidi në vitin 2023 dhe ishte një ndër blerjet më të rëndësishme të gjigantit rumun gjatë asaj kohe.
Për ta blerë kartonin e tij, Rapidi kishte paguar plot 300 mijë euro në drejtim të Tiranës, atje ku po luante gjashtë muajt e tij të fundit të kontratës.
Para transferimit në Rumani, Hasani kishte realizuar 10 gola për Tiranën në harkun e një gjysmë sezoni./Kampionet/
