Manchester United, nën drejtimin e Ruben Amorim, është gati të përforcojë skuadrën e saj në afatin kalimtar dimëror me dy nënshkrime kyçe: Ousmane Diomande dhe Oihan Sancet.
Sipas mediumit Fichajes, klubi anglez ka ndarë afërsisht 120 milionë euro për të siguruar këto nënshkrime, me qëllim forcimin e mbrojtjes dhe mesfushës.
Në moshën 21 vjeçare, Ousmane Diomande është vendosur si një nga mbrojtësit më premtues të Evropës. Aktualisht te Sporting Lisbona, lojtari ka lënë mbresa me pjekurinë, fuqinë dhe aftësinë e tij për të luajtur nga thellësia.
Ruben Amorim, i cili e trajnoi atë në Lisbonë, ka kërkuar transferimin e tij te United. Klubi portugez ka vendosur një klauzolë lirimi prej 80 milionë eurosh, megjithëse vlera e tij në treg vlerësohet të jetë rreth 50 milionë euro.
Me këtë nënshkrim, United po kërkon t’i shtojë më shumë soliditet linjës së saj mbrojtëse, e cila ka treguar dobësi këtë sezon. Diomande, me përvojën e tij në një sistem mbrojtës me tre lojtarë, do të përshtatej në mënyrë të përkryer në qasjen taktike të Amorim. Marrëdhënia e mëparshme e të dyve mund të lehtësojë një përshtatje të shpejtë dhe efektive në klubin anglez.
Në mesfushë, United i ka vënë syrin Oihan Sancet, një mesfushor sulmues për Athletic Bilbao. Në moshën 24 vjeçare, Sancet është shquar për aftësinë e tij për të shënuar gola dhe vizionin, duke u bërë një lojtar kyç në skemën e Ernesto Valverdes.
Klubi anglez thuhet se është i gatshëm të ofrojë 70 milionë euro për të siguruar nënshkrimin e tij.
Ardhja e Sancetit te United mund të jetë strategjike, duke marrë parasysh largimin e mundshëm të Bruno Fernandes drejt ligës së Arabisë Saudite.
Sancet do të sillte dinamizëm dhe kreativitet në mesfushë, cilësi që skuadra po kërkon t’i përmirësojë për t’u përballur me sfidat e Premier Ligës dhe garave evropiane.
Me një buxhet prej afërsisht 120 milionë eurosh, United ka mundësinë të bëjë nënshkrime që do të forcojnë fusha kyçe të skuadrës së saj. Ardhja e Diomande dhe Sancet jo vetëm që do të forconte mbrojtjen dhe mesfushën, por do të dërgonte gjithashtu një mesazh të qartë ambicieje dhe vendosmërie në tregun e transferimeve.
Konkurrenca për të dy lojtarët është e fortë, me klube si Arsenal dhe Liverpool që janë gjithashtu të interesuara për Diomanden, dhe Neëcastle United që tregon interes për Sancet.
Megjithatë, tërheqja e të luajturit për Manchester United dhe mundësia e të punuarit nën drejtimin e Amorim mund ta kthejnë ekuilibrin në favor të klubit anglez. /Kampionet/
