Sunday, November 30, 2025
Hapsir per reklama 728x90
BallinaSuperliga e KosovësLlapi ndal serinë e Prishtinës, fiton në derbin e javës - Kampionet

Llapi ndal serinë e Prishtinës, fiton në derbin e javës – Kampionet

Llapi ka arritur të fitojë ndaj Prishtinës me rezultat 2-1 në ndeshjen derbi të vlefshme për javën e 11-të të Albi Mall Superligës së Kosovës.

Ekipi i Tahir Batatinës ka vazhduar formën e mirë dhe fitoret, duke mposhtur Prishtinën e Arsim Thaqit dhe duke ndaluar serinë e tyre prej gjashtë fitoreve radhazi.

Pjesa e parë e ndeshjes u karakterizua me lojë të barabartë dhe shumë raste nga të dyja skuadrat, por vetëm vendasit gjeten rrjetën.

Goli i vetëm në këtë pjesë erdhi në minutën e 40-të me anë të Edon Sadriut, i cili shënoi për 1-0 pas asistimit të Muhamet Hysenit.

Në pjesën e dytë përsëri u zhvillua lojë shumë e hapur dhe me raste nga të dyja skuadrat, ku kësaj radhe të dyja arritën ta shënojnë nga një gol.

Ishin vendasit që shënuan përsëri të parët në minutën e 53-të me anë të Axel Gnapit për 2-0 duke vështirësuar punët e Prishtinës.

Kryeqytetasit pas këtij goli u vërsulen në sulm duke bërë edhe shumë ndryshime dhe ishte i inkuadruari Leotrim Kryeziu (68’), i cili ngushtoi shifrat në 2-1, por kjo ishte e tëra pasi deri në fund nuk pati më gola dhe Llapi mori tri pikë të mëdha.

Pas kësaj fitore, Llapi e sheh veten në pozitën e pestë me 16 pikë, ndërsa Prishtina mbetet liderë me 25 pikë.

Në ndeshjen e ardhshme, Llapi udhëton te Drita, teksa Prishtina e pret Gjilanin. /Kampionet/

RELATED ARTICLES

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Advertisment -Hapsir per reklama 300x250

Most Popular

Recent Comments