Me formën e Mohamed Salah që po bie dhe moshën që po e arrin, Liverpooli po vëzhgon me kujdes anësorin brazilian të Real Madridit, Rodrygo, si një pasues të mundshëm të egjiptianit.
Megjithëse Salah nënshkroi një kontratë të re deri në vitin 2027, trajneri i Liverpoolit, Arne Slot, ka nisur të kërkojë alternativa për repartin ofensiv.
Salah, tashmë 33 vjeç, po kalon një sezon të vështirë me vetëm tre gola dhe tre asistime në 12 paraqitje.
Rodrygo
Nga ana tjetër, Rodrygo po përballet me mungesë minutash te Real Madridi dhe nuk është më ndër titullarët e rregullt nën drejtimin e trajnerit Xabi Alonso. Sipas raporteve, madrilenët e vlerësojnë kartonin e tij në rreth 85 milionë euro.
Braziliani ka fituar tre tituj të La Ligës dhe dy trofe të Ligës së Kampionëve me Real Madridin, por konkurrenca e fortë për vendin në formacion mund ta shtyjë drejt një aventure të re në Ligën Premier.
Ndërkohë, ende nuk dihet nëse Rodrygo është i hapur për t’iu bashkuar Liverpoolit, ose thënë më mirë të largohet nga Real Madridi./Kampionet/
