FC Prishtina O1 është pritur nga kryeministri në detyrë Albin Kurti pas suksesit madhështor, ku arritën në mesin e 16 ekipeve më të mira të Evropës në futsall.
Sipas postimit në faqen zyrtare, Kurti i ka motivuar lojtarët të vazhdojnë me punën e madhe për ta përfaqësuar Kosovën me krenari.
Ndër të tjera, Prishtina 01 e falënderoi Kurtin për përkrahjen e vazhdueshme, besimin dhe motivimin.
Postimi i plotë pa ndërhyrje:
“FC Prishtina 01 pritet nga Kryeministri Albin Kurti
Sot, FC Prishtina 01 pati nderin të pritet nga Kryeministri në detyrë i Kosovës, Albin Kurti, i cili na uroi për sukseset e jashtëzakonshme, si në arenën vendore, ashtu edhe ndërkombëtare. Ai vlerësoi arritjen tonë madhore, duke qenë në mesin e 16 ekipeve më të mira të Evropës në futsall, dhe na motivoi për të vazhduar të përfaqësojmë Kosovën me krenari.
Në këtë takim ishin të pranishëm edhe Presidenti i klubit, Bledion Bryma, drejtori sportiv, Oso Gjinovci, trajneri Haki Ahmeti me stafin e tij, si dhe lojtarët – faktorët kryesorë për sukseset e arritura dhe zhvillimin e jashtëzakonshëm të ekipit.
FC Prishtina 01 e falënderon Kryeministrin për përkrahjen e vazhdueshme, për besimin dhe motivimin që i jep skuadrës, duke na inkurajuar të synojmë rezultate edhe më të larta në sfidat e ardhshme, si në nivel vendor, ashtu edhe në arenën ndërkombëtare”, shkroi klubi ndër të tjera.
Kujtojmë, skuadra nga kryeqyteti aventurën në Ligën e Kampionëve e vazhdon më 24 nëntor, kurse kundërshtari ende nuk dihet./Kampionet/
