Juventus raportohet se zhvilloi bisedime me Raffaele Palladino dhe Luciano Spalletti të martën, por ish-përzgjedhësi i Italisë ka qenë gjithmonë opsioni i parë i bardhezinjve.
‘Zonja e Vjetër’ është në prag të shpalljes së Spallettit si trajnerin e ri, pasi gjigantët e Serie A kanë arritur një marrëveshje me strategun të martën.
Spalletti ka pranuar të nënshkruajë një kontratë deri në fund të sezonit, me opsion rinovimi nëse skuadra arrin kualifikimin në Ligën e Kampionëve këtë edicion.
Sipas raporteve nga Italia, ai do të përfitojë 3 milionë euro deri në fund të sezonit.
Raffaele Palladino
Spalletti ka qenë gjithmonë prioriteti i Juventusit që prej shkarkimit të Igor Tudor të hënën, megjithatë emra të tjerë janë lidhur me pankinën e klubit torinez, përfshirë Roberto Mancinin dhe Palladinon.
Sipas Gazzetta dello Sport dhe Sportmediaset, Juventus zhvilloi gjithashtu bisedime me Palladinon të martën, pasi ish-trajneri i Fiorentinës ishte një kandidat i propozuar nga drejtori teknik i bardhezinjve, François Modesto, i cili më parë kishte bashkëpunuar me të në Monza.
Megjithatë, sipas raporteve, takimi mes Palladinos dhe drejtuesve të Juventusit ishte vetëm një “bisedë mirësjelljeje”, pasi bardhezinjtë ishin të vendosur të finalizonin marrëveshjen me Spallettin, emërimi i të cilit pritet të shpallet në orët në vijim.
