Në episodin më të ri të podcastit “Arena e Yjeve”, prodhim i Kampionett, mysafir është futbollisti i njohur Gjelbrim Taipi. Ky episod realizohet me mbështetjen e sponsorëve zyrtarë Golden Eagle dhe Air Munich.
Mes shumë temave të diskutuara, Taipi foli edhe për vëllaun e tij, më saktë periudhën kur kanë luajtur të dy së bashku tek Kukësi.
“Është shumë emocion sepse i mban tri barra. Në atë periudhë isha edhe kapiten i ekipit edhe unë jam tip që dua gjithmonë kur jam në fushë me dhënë maksimumin edhe gjithmonë me fitu ajo është ambicia ime”.
“Por pastaj unë kisha edhe dëshirë me pas në ekip, sepse ishte te Skënderbeu edhe thonë se të ndihmon shumë në atë pjesën defensive”.
“Edhe kur erdhi te skuadra e Kukësit, normal shumë i gëzueshëm sepse e ki bashkëlojtar, tërë jetën e ke ëndërru, por ma besoni se me rikthy edhe një herë kohën, asnjëherë nuk e bëj”.
“Ka qenë një përgjegjësi shumë e madhe. Si kapiten, pasi duhesh me qenë i barabartë me të gjithë lojtarët për shkak se duhet t’i trajtosh ashtu, edhe kishte momente që për shembull, ka pas shumë ndeshje ku e them me plot bindje që cilësitë e tij kanë dalë në pah më shumë se cilësitë e mia”.
“Ka pasur shumë ndeshje që golat e tij kanë vendosur ndeshjet dhe ndihem shumë keq sepse nuk është përmendur emri i tij”, ka thënë Taipi mes tjerash.
Episodin e plotë me Gjelbrim Taipin mund ta ndiqni të shtunën në ora 16:00 në RTV Dukagjini, si dhe në kanalin zyrtar në YouTube të Kampionett./Kampionet/
– YouTube www.youtube.com
