Llapi dhe Prishtina kanë publikuar tashmë formacionet zyrtare për ndeshjen e vlefshme për javën e 11-të të Albi Mall Superligës së Kosovës.
Llapjanët janë nikoqir të prishtinasve në ndeshjen derbi të javës e cila pritet të zhvillohet në stadiumin Zahir Pajaziti me fillim nga ora 13:00.
Ekipi i Tahir Batatinës ka pasur një ngritje duke fituar tri herë dhe barazuar një herë në katër ndeshet e fundit, teksa synon ta shfrytëzoj terrenin vendas për tri pikët e radhës nga kjo ndeshje e vështirë.
Në anën tjetër, ekipi i Arsim Thaqit është në formë të jashtëzakonshme me gjashtë fitore radhazi dhe i blinduar në pozitën e parë, kështu që synon ta vazhdoj serinë e fitoreve për të ruajtur distancën me Ballkanin.
Trajnerët e të dyja skuadrave kanë vendosur të startojnë me formacionet më të mira të mundshme.
Llapi:Coric; H.Hyseni, Useini, Rama, Blakçori; Sadriu, Aliu, Ramadani, Hasani; M.Hyseni, Gnapi;
Prishtina: Gjokaj; Vitija, Limani, Mamengi; Bytyqi, Zeqiri, Namani, Saletic; Taipi, Ilievski, Veliu;
/Kampionet/
