Argjentinasi Lionel Messi është shembulli më i mirë se mosha është vetëm një numër, nëse ke klas dhe njohuri. Dhe ai i ka të dyja, dhe e tregoi këtë përsëri në mbrëmje për Inter Miamin.
Messi fenomenal shënoi dy gola në ndeshjen hapëse të ‘play-off’-it të Major League Soccer (MLS) në një fitore 3-1 ndaj Nashville SC.
Pati një ceremoni para ndeshjes, ku ai ngriti Këpucën e Artë para tifozëve të mbledhur, dhe më pas pati vuajtje, por për futbollistët e Nashville.
Argjentinasi e nisi si është më së miri ‘play-off’-in me Inter Miamin, duke shënuar dy gola në ndeshjen e parë.
Ai shënoi golin e parë me një gjuajtje me kokë në minutën e 19-të të pjesës së parë për epërsinë 1-0, teksa Allende e dërgoi rezultatin 2-0 në minutën e 62-të.
Messi shënoi golin e tij të dytë dhe të tretë për Inter Miamin në kohën shtesë për një rezultat bindës 3-0.
E tëra çfarë arritën të bënin mysafirët nga Nashville ishte të shënonin një gol ngushëllimi për 3-1, gol i cili ishte vepër e Mukhtarit.
Si kujtesë, Messi fitoi Këpucën e Artë si golashënuesi më i mirë në ligën MLS me një shifër të pabesueshme prej 29 golash në 28 ndeshje të luajtura.
Ndryshe, deri tani ai ka shënuar gjithsej 890 gola në karrierën e tij të jashtëzakonshme. /Kampionet/
