Ka përfunduar xhiro e 14-të në Ligën e Parë të Kosovës, xhiro që i ka takuar kryesisht skuadrave favorite për inkuadrim në Superligë.
Lideri aktual Vushtrria ka arritur fitore të madhe ndaj Prizrenit në udhëtim me rezultat 0-1.
Me të njëjtin rezultat 1-0 ka fituar edhe Vëllaznimi para adhureusve të vet duke e mposhtur Tefik Çangën, derisa me 0-1 ka fituar edhe Feronikeli ’74 në udhëtim te Istogu.
Trepça ’89 ka qenë e pamëshirshme për 2 Korrikun duke e mposhtur 5-1, ndërsa Liria ka triumfuar në derbin e rrafshit të Dukagjinit 1-3 te Besa e Pejës.
Dinamo ka mposhtur Suharekën me rezultat 0-1, ndërsa sfida mes Ramiz Sadikut dhe Vjosës i ka takuar kryeqytetasve 1-0.
Vushtrria vazhdon të jetë në krye të tabelës pas 14 xhirove me 31 pikë, të ndjekur nga Vëllaznimi dhe Dinamo me nga 28 sosh.
Në pozitën e katërt është Trepça ’89 me 27 pikë, Feronikeli ka 26 pikë me një ndeshje më pak mdërsa Liria dhe Ramiz Sadiku kanë nga 24. /Kampionet/
