Hoffenheimi ka shënuar sot (e shtunë) fitore me rezultat 3-1 në shtëpi ndaj Heidenheimit në kuadër të javës së tetë në Bundesliga.
Një ndër autorët e golave për Hoffenheimin në këtë fitore ishte edhe sulmuesi kosovar Fisnik Asllani.
Asllani realizoi një gol spektakolar në minutën e 18-të për t’i dhënë epërsinë prej 1-0 ekipit të tij.
Nga minuta e parë në këtë ndeshje gjithashtu u aktivizuan edhe Albian Hajdari dhe Leon Avdullahu.
Asllani dhe Hajdari ishin në mesin e meritorëve për këtë fitore të arritur dhe për këtë arsye ata janë vlerësuar me nota të larta nga SofaScore.
Sulmuesi dardan mori vlerësimin prej 8.7 për golin e shënuar ndërsa Hajdari për paraqitjen e tij bravuroze në fazën e mbrojtjes u vlerësua me 7.3.
Kjo fitore e ngjiti Hoffenheimin në vendin e shtatë në tabelë, ndërsa javën e ardhshme ata do të luajnë ndaj Wolfsburgut në udhëtim./Kampionet/
