Trajneri Orges Shehi nuk është më pjesë e FC Ballkanit. Tekniku nga Shqipëria është larguar nga drejtimi i kampionëve në fuqi, pasi nuk e ka udhëhequr ekipin në stërvitjen e sotme dhe ka paraqitur dorëheqjen e tij në klub.
Burime të afërta me klubin nga Suhareka bëjnë të ditur se arsyet e largimit të Shehit janë kryesisht financiare, pasi futbollistët e Ballkanit janë në mungesë të disa pagave të prapambetura.
Shehi kishte marrë drejtimin e Ballkanit në dhjetor të vitit të kaluar, por largohet pa e kompletuar një vit në krye të skuadrës. Megjithatë, periudha e tij në Suharekë vlerësohet si e suksesshme, pasi Ballkani u shpall nënkampion i Kosovës dhe pati para paraqitje të mira në garat evropiane.
Sipas burimeve të Kampionett, në listën e presidentit Arsim Kabashi për pasuesin e Shehit janë dy emra të njohur:
Zoran Zekic, ish-trajner i Partizanit të Tiranës, që më parë ka drejtuar klube si Sheriff Tiraspol, Osijek, Slaven Belupo dhe Sarajevo, është kandidati kryesor për ta marrë drejtimin e skuadrës.
Në garë është edhe Ismet Munishi, i cili më parë ka qenë trajner i Ballkanit dhe ka arritur suksese të mëdha, duke e kthyer klubin nga lufta për mbijetesë në një ekip konkurrues për titullin kampion.
Orges Shehi e lë Ballkanin në vendin e dytë të renditjes me 23 pikë, tre më pak se Prishtina, e cila ka një ndeshje më pak të zhvilluar.
Ballkani pritet të vendosë në ditët në vijim për trajnerin e ri, ndërsa era Shehi në Suharekë përfundon pas një periudhe me rezultate solide. /Kampionet/
