Ekspedita e Kombëtares së Kosovës është nisur pak më parë drejt Lubjanës, aty ku do ta luajë ndeshjen e ardhshme kualifikuese për Kupën e Botës 2026 ndaj Sllovenisë.
Kosova do të luajë nesër (e shtunë) në udhëtim te Sllovenia në ndeshjen e parafundit të Grupin B, të vlefshme për kualifikuesen e Kupës së Botës 2026, takim që është paraparë të zhvillohet në në “Stozice Stadium” me fillim nga ora 20:45.
Pasi kanë përfunduar stërvitjen gjatë ditës së sotme (e premte), ekspedita e Kosovës është nisur rreth orës 15:00 drejt Lubjanës.
“Me këmbë të mbarë nisemi drejt Sllovenisë”, shkruante në postimin e parë të faqes zyrtare të FFK-së, ku ishte bashkangjitur një video.
Megjithatë, disa minuta më vonë, faqja e FFK-së ka postuar edhe disa fotografi të lojtarëve teksa ka shtuar edhe një shkrim.
“Dardanët marrin rrugën drejt Sllovenisë, gati për të luftuar me zemër e krenari! Besojmë deri në fund!”, shkruante në postim. /Kampionet/
