Futbollisti Erik Janza ka deklaruar se Sllovenia ka disa plane për të fituar ndeshjen kundër Kosovës dhe për të mbajtur gjallë shpresat për kualifikim në Kupën e Botës 2026.
Ai ka theksuar se kombëtarja sllovene po përgatitet maksimalisht për këtë takim, që konsiderohet si një “finale” ndaj Dardanëve.
Ndeshja Slloveni – Kosovë do të luhet të shtunën në Lubjanë, në një përballje vendimtare për renditjen në grup.
Zhegrova dhe Janza
“Ne e dimë çfarë duam, kemi disa plane se si ta mposhtim Kosovën. Të shtunën, do të varet pak edhe prej tyre, por ne po shohim veten dhe shpresoj se do ta përmbushim planin”, ka thënë Janza.
Mbrojtësi ka vënë në dukje rëndësinë e mungesës së sulmuesit të Manchester Unitedit, Benjamin Sesko, i cili u lëndua gjatë duelit të fundit të ekipit të tij kundër Tottenhamit. Megjithatë, ai ka theksuar se Sllovenia ka sulmues të mjaftueshëm për ta zëvendësuar yllin e Unitedit.
“Sigurisht që është keq për ne, por ne lojtarët mendojmë për veten tonë dhe të paraqitemi sa më mirë në fushë. Lëndimet janë problem për trajnerin. Do të shohim se si do të vendosë trajneri. Sheshko patjetër që do të na mungojë, sepse të gjithë e dimë se çfarë lloj lojtari është, por nga ana tjetër, kemi tre ose katër sulmues cilësorë”, është shprehur slloveni.
Sesko dhe Janza
Ky përgatitje intensive tregon vendosmërinë e Sllovenisë për të marrë tre pikët ndaj Kosovës dhe për të mbajtur gjallë shanset e kualifikimit për Botërorin 2026. /Kampionet/
