Kombëtarja e Kosovës ka zhvilluar sot (e martë) seancën e dytë stërvitore në stadiumin “Fadil Vokrri”, në kuadër të përgatitjeve për dy ndeshjet vendimtare të këtij muaji kundër Sllovenisë dhe Zvicrës.
Stërvitja nisi me ritëm të lartë, me fokus të qartë në aspektet taktike dhe në harmoninë mes reparteve, pasi nën drejtimin e përzgjedhësit Franco Foda, skuadra punoi me intensitet të plotë.
Lojtarët treguan disiplinë dhe qartësi në zbatimin e udhëzimeve, ndërsa stafi teknik u përqendrua në skemat defensive dhe manovrat e tranzicionit që pritet të jenë kyçe në dy sfidat e ardhshme.
Ndërkohë, Vedat Muriqi, Amir Rrahmani, Elvis Rexhbeçaj dhe Muharrem Jashari zhvilluan një seancë rigjeneruese, për të menaxhuar ngarkesën dhe për të qenë 100% gati në ditët në vijim.
Pritshmëritë janë që të katër të jenë në dispozicion të plotë për ndeshjet e muajit nëntor.
Atmosfera në kampin e Dardanëve është më së e shëndoshë. Lojtarët po reflektojnë besim dhe përkushtim, ndërsa grupi duket i bashkuar dhe i orientuar drejt objektivit të vetëm: marrjes së rezultateve pozitive. /Kampionet/
