Barcelona dëshiron të shtyejë ndeshjen e saj të La Ligës kundër Villarrealit në kuadër të javës së 17-të, në favor të një miqësoreje që planifikohet të zhvillohet në Peru, raporton Mundo Deportivo.
Klubi katalunas i ka kërkuar La Ligës që ndeshja ndaj Villarrealit të luhet më 20 dhjetor në vend të 21 dhjetorit, pasi ekipi dëshiron të zhvillojë një ndeshje miqësore më 22 dhjetor kundër një përfaqësueseje të yjeve të kampionatit peruan.
Përveç kësaj, Barcelona do të duhet të arrijë një marrëveshje me Shoqatën e Futbollistëve Spanjollë (AFE) sa i përket pushimeve të lojtarëve.
Barcelona
Në mënyrë që La Liga të lejojë zhvendosjen e ndeshjes së kampionatit, organizatori peruan duhet t’i dërgojë një propozim zyrtar.
Barcelona po i jep përparësi miqësores në Peru gjatë dhjetorit, pasi pret të gjenerojë të ardhura të mëdha nga kjo ndeshje.
Megjithatë, nëse nuk arrihet marrëveshja me organizatat përkatëse, ekipi do të jetë i gatshëm ta zhvillojë ndeshjen e kampionatit në datën e planifikuar./Kampionet/
