Sulmuesi i Levantes, Karl Etta Eyong, kërkon të sigurojë kalimin e tij në një klub të madh dhe dëshiron që marrëveshja të finalizohet gjatë afatit kalimtar të janarit, në vend që të presë deri në verë, sipas raportimeve.
Megjithatë, rregullat e FIFA-s e pengojnë atë të bashkohet me një klub të ri në janar, pasi ka luajtur tashmë për Villarreal dhe Levante gjatë këtij sezoni.
Për këtë arsye, sulmuesi kamerunas pritet ta përfundojë pjesën e dytë të kampionatit si huazim te Levante.
Barcelona, Real Madrid, Arsenal, Manchester United dhe Manchester City po ndjekin nga afër zhvillimet e 22-vjeçarit, i cili po kalon një formë të shkëlqyer këtë sezon.
Ai ka realizuar gjashtë gola dhe ka dhënë tre asistime mes paraqitjeve për Villarrealin dhe Levanten.
Barcelona shihet si favorite për ta siguruar shërbimet e tij, pasi lojtari ka shprehur publikisht admirimin e madh për klubin katalanas.
Klauzola e tij e lirimit për skuadrat jashtë Spanjës arrin në 40 milionë euro, ndërsa për Barcelonën dhe klubet e tjera spanjolle vlera është 30 milionë euro.
Katalanasit e kanë identifikuar Etta Eyong si zëvendësuesin afatgjatë të Robert Lewandowskit, kontrata e të cilit pritet të përfundojë në fund të këtij sezoni. /Kampionet/
