Ballkani ka fituar në udhëtim te Malisheva me rezultat të thellë 5-0 në ndeshjen e vlefshme për javën e 11-të në Albi Mall Superligën e Kosovës.
Ekipi i Orges Shehit është kthyer të fitorja pas barazimit në shtëpi ndaj Gjilanit, pasi kësaj radhe ka mposhtur thellë Malishevën.
Pjesa e parë e ndeshjes ishte deri diku e barabartë, por me mysafirët për një nuancë më të mirë, duke arritur te shënojnë edhe një gol.
Goli i vetëm në këtë pjesë erdhi në minutën e shtatë me anë të Almir Kryeziut, i cili ishte i saktë nga penalltia për 0-1.
Në pjesën e dytë, Ballkani ishte dukshëm skuadër më e mirë duke krijuar shumë raste dhe duke shënuar edhe katër gola tjerë për një fitore të thellë.
Goli i parë ne pjesën e dytë erdhi në minutën e 47-të me anë të Bleart Tolaj, i cili shëno për 0-2, ndërsa lojtari i njëjtë u përkujdes të shënoj edhe në minutën e 61-të për 0-3.
Në vazhdim të ndeshjes, therandasit shënuan edhe dy gola tjerë me anë të Giovanni Ribeiro (70’) për 0-4, ndërsa Valentin Serebe (76’) vulosi fitoren me rezultat përfundimtar 0-5.
Pas kësaj fitore, Ballkani e sheh veten në pozitën e dytë me 22 pikë apo tri më pak se Prishtina lideri me një ndeshje më pak, teksa Malisheva renditet e gjashta me 13 pikë.
Në ndeshjen e radhës, therandasit e presin Ferizajn, teksa malishevasit udhëtojnë te Dukagjini. /Kampionet/
